Vllaznia i jep fund krizës, fiton ndaj Teutës në Durrës

Vllaznia u rikthye te fitorja në kampionat, duke i dhënë fund krizës. Shkodranët triumfuan minimalisht 0-1 ndaj Teutës në transfertë, në ndeshjen e vlefshme për javën e 14-të në Superiore.

Ildi Gruda, ishte vendimtar, teksa me golin e shënuar, i dha fitoren dhe 3 pikët Vllaznisë.  Pjesa e dytë ishte me raste të shumta për të dyja skuadrat, të cilat u treguan të pasakta për të shënuar.

Kjo fitore e ngjit Vllazninë në vendin e pestë me 17 pikë, ndërsa Teuta mbetet në fund të renditjes me 12 pikë.