Yll i mbrojtjes së Arsenalit rikuperohet para duelit ndaj PSG

Arsenali merr lajme fantastike përpara gjysmëfinales së kthimit në Ligën e Kampionëve kundër Paris Saint-Germain, që do të luhet nesër në “Parc des Princes”. Trajneri Mikel Arteta do të ketë në dispozicion një nga lojtarët më të rëndësishëm të skuadrës së tij, Riccardo Calafiori.

Mbrojtësi italian, i njohur për shumë-funksionalitetin e tij në fushë, është stërvitur normalisht me pjesën tjetër të skuadrës në seancën e fundit përgatitore. Calafiori nuk luan që prej muajit mars për shkak të një dëmtimi, por tashmë duket gati për të ndihmuar ekipin në sfidën e rëndësishme të së martës mbrëma.

Sipas mediave franceze, në stërvitje kanë marrë pjesë edhe Timber dhe Odegaard, të cilët gjithashtu mund të jenë titullarë kundër skuadrës së Luis Enrique.