Zhgënjehet Reali dhe Barça, klubi i ri ofron 130 mln Euro për Mbappe

Megjithëse është vetëm 18 vjeç, Kylian Mbappe është kthyer në qendër të vëmendjes pasi klubet më të mëdha evropiane po interesohen për të marrë shërbimet e sulmuesit francez.

Mbappe këtë sezon ka vendosur të qëndrojë te Monaco që nuk mund ta mbajë shumë gjatë pasi kërkon të përfitojë sa më shumë nga shitja e tij.

Reali dhe Barcelona janë në “luftë” për të nënshkruar me Kylian Mbappe por ai mund t’i befasojë të gjithë me një tjetër klub të ri.

Bëhet fjalë për PSG-në e cila mund t’ia mbyllë “gojën” Monacos duke i ofruar plot 130 milionë euro.

Mbappe pritet të thyej rekordin duke u bërë futbollisti më i shtrenjtë në histori të futbollit.