ZYRTARE/ Conte është trajneri i ri i Napolit: Ju premtoj vetëm një gjë …

Tashmë është zyrtare: Antonio Conte është trajneri i ri i Napolit. Lajmi është konfirmuar me anë të një njoftimi për shtyp në faqen e klubit.

“SSC Napoli mirëpret  Antonio Conte  i cili merr rolin e trajnerit të ekipit të parë pasi ka nënshkruar një kontratë që do ta lidh atë me klubin deri më 30 qershor 2027”, shkruhet në njoftimin e klubit napolitan.

“Napoli është një skuadër me rëndësi globale. Jam i lumtur dhe i emocionuar për t’u ulur në stolin blu. Sigurisht që mund të premtoj një gjë: do të bëj maksimumin për rritjen e ekipit dhe klubit. Përkushtimi im së bashku me atë të stafit tim, do të jetë total”, tha Antonio Conte.