Zyrtare/ VAR do të përdoret edhe në Spanjë, në “La Liga” aplikohet për sezonin 2018/19

Pas Bundesligës dhe Serie A edhe La Liga dorëzohet përballë teknologjisë. Gabimet e arbitrave gjatë këtij sezoni kanë detyruar presidentin e komisionit teknik të arbitrave në Spanjë, Sanchez Arminio të zyrtarizojë përdorimin e VAR, (Video Asistant Referee) në kampionatin spanjoll duke filluar që nga sezoni i ardhshëm. Pra, edicioni 2018/19 i La Ligas do të jetë pikërisht i epokës VAR-it.

Kjo formë për të lehtësuar gjykimin dhe shmangur gabimet është pëlqyer në kampionatin italian, por jo dhe në atë gjerman. Ankesa më e madhe për VAR-in është koha që merr gjyqtari për të dhënë vendimin, pasi sipas njerëzve të futbollit po humbet entuziazmi në ndeshje. Vendimi për përdorimin e teknologjisë në kampionatin spanjoll fillimisht është pritur mirë.