Punonjësja pret thonjtë në mes të restorantit, tmerrohen klientët

Video është regjistuar në një restorant kinez në Winston-Salem, Karolina e Veriut, sipas New York Post.
Gjatë klipit një grua dëgjohet duke thënë: “Ajo është duke prerë thonjtë në një restorant kinez dhe punon këtu. Pikërisht këtu para të gjithëve.”

Klientja Ashley Hambright-Beauchamp publikoi pamjet në internet, së bashku me një foto tjetër që tregon veprimin më qartë.

“Mua nuk më pëlqen ushqimi kinez për arsyet e mia. Pasi isha dëshimtare e kësaj ngjarje u shtua dhe një arsye tjetër në listën time,”-shkruan ajo. “Kjo nuk është shaka. Gruaja erdhi rreth banakut dhe u ul në zonën e ngrënies në një tavolinë dhe filloi duke prerë thonjtë.”