100 mijë euro nga trafikimi i heroinës, arrestohen 2 shqiptarë në Greqi

Policia greke ka goditur një grup kriminal ku mes tyre janë arrestuar edhe 2 shqiptarë.

Mësohet se grupi është goditur në vendin e quajtur Mesinia, dhe sipas policisë grupi ishte aktiv prej 7 muajsh ku kishte trafikuar 1.5 kg heroinë dhe 25 kg marijuanë duke fituar 100 mijë euro.

Shqiptarët e arrestuar janë të moshës 32 dhe 40 vjeç. Gjatë operacionit u sekuestruan 6 kg 946 gram marijuanë, 48.3 gram heroinë, 5630 euro dhe një makinë.

Policia po vijon hetimet për të gjetur bashkëpunëtorë të tjerë të grupit kriminal.