41.5 gradë, qyteti më i nxehtë në Shqipëri sot është Belshi

Belshi shënon temperaturën më të lartë në vend, 41.5 gradë i pasuar nga Cërriku me 41.3 gradë Celsius, kurse dje u shënua 42 gradë në Elbasan.

I nxehti afrikan ka zbrazur qytetin turistik, jo vetëm nga turistët, por edhe banorët duket se evitojnë daljet e panevojshme në këtë situatë të pazakontë të motit.

Shqipëria e mesme luhatet në të tilla temperatura ekstreme. Elbasani shënon 40.2 gradë sot, ku mjekët vazhdojnë të bëjnë thirrje për kujdes, sidomos të moshuarit dhe të sëmurët kronikë.