Në një kohë kur Shqipëria po përballet me vatra të shumta zjarri dhe një situatë të rënduar, imami i Xhamisë “Dine Hoxha”, Ahmed Kalaja, ka bërë thirrje për lutje dhe mëshirë nga Allahu. Përmes një lutjeje, Kalaja iu drejtua besimtarëve duke kërkuar që të ngrihen duart dhe t’i luten Allahut për shi, duke theksuar se ai duhet të jetë shi mëshire dhe jo dënimi.
Fjala e plotë
Vëllezër dhe motra. Ne jemi dëshmitarë të faktit se si në Shqipëri ka zjarrë e gjithandej. Vatra zjarri, qëllimshme pa qëllimshme këtë nuk e di. Po situata është e vështirë dhe situata është e rëndë. Prandaj le t’i ngrejmë duart tek Allahu xhele xhelaluhu.
Tani, sepse është prej sunetit që kur bëhet dua për shi, mirëngrit duart përndryshe jo. Allahumme eghithna, Allahumme eghithna, Allahumme eghithna. Allahumme suqia rahme, la suqia adhab. Allahumme suqia rahme, la suqia adhab.
Allahumme suqia rahme, la suqia adhab. O Allah o Zot derdh mbi ne shi o Zot i gjithësisë. O Allah bëj shiun që do të derdhësh mbi ne, mshirë dhe jo dënim, ya Rabbel Alemin. O Allah o Zot, Allahumme suqia rahme, la suqia adhab. O Allah o Zot derdh mbi ne shi o Zot i gjithësisë. O Allah bëj shiun që do të derdhësh mbi ne, mshirë dhe jo dënim, ya Rabbel Alemin. O Allah o Zot, ndoshta gjynahet tona dhe mëkatet tona e kanë çu situatën këtu ku është. Po ti je falës, ti je i mshirshëm, ti je bujar, ti je falës i të gjitha gjynaheve. O Allah na fale dhe na mshiro e zbrit shi mbi ne ya Rabbel Alemin.