Braimllari: Do rrimë këtu deri sa Edi Rama të shporret

Sekretari i Përgjithshëm i LSI, Endrit Braimllari në një prononcim gjatë marshimit protestë deklaroi se shiu dhe breshëri nuk ndalin vrullin popullor. “Përgjegjësi kryesor për shkatërrimin e këtij vendi është Edi Rama. Është përgjegjësi kryesor për largimin e të rinjve nga ky vend. Është përgjegjësi kryesor për varfërinë, u shpreh mes tjerash Braimllari.

Deklarata e plotë

Nuk ka shi dhe breshër që ndal vrullin popullor. Do rrimë këtu deri sa Edi Rama të shporret një orë e më parë nga ky vend. Sepse është përgjegjësi kryesor për shkatërrimin e këtij vendi. Është përgjegjësi kryesor për largimin e të rinjve nga ky vend. Është përgjegjësi kryesor për varfërinë. Nuk ka deklaratë provokative të Policisë së Shtetit që na ndal në rrugën tonë. Siç e shikoni ka vetëm turmë që proteston kundër Edi Ramës. Provokatorët janë civilë të futur nga Sandër Lleshi.