Dëbimi i familjes shqiptare nga Gjermania, ministria e Integrimit kundër vendimit

Ndonëse pak muaj më parë një familje kosovare, nëna bashkë me djalin e saj 10 vjeç, u dënuan nga Gjermania, Ministria e Integrimit të këtij vendi ka pranuar veprimin e nxiturar të autoriteteve. Ngjarja në fjalë u regjistrua në Qarkun Eifel në landin e Rheinland-Pfalz. Volksfreund.de shkruan se sipas ministrisë, më e përshtatshme do të ishte që nënës t`i jepej një leje qëndrimi e përkohshme diskrecionale. Kjo do të ishte rruga më e mirë për të shpëtuar familjen nga transferimi, transmeton albinfo.ch. Pas vdekjes së babait, nga i cili varej e drejta e qëndrimit, në Gjermani kishte mbetur vetëm djali 17 vjeçar, i cili ishte duke vazhduar shkollën për elektroteknikë.

Autoritetet për të huaj në nivel të qarkut kanë argumentuar se qëndrimi i tij në Gjermani nuk nënkuptonte se në mënyrë automatike duhet të rrinë edhe anëtarët tjerë të familjes. Por, qarku nuk do të pengojë vizitat e ndërsjella në mes të anëtarëve të kësaj familjeje. Kështu, motra më e madhe e 17-vjeçarit i lejohet që të vijë në Gjermani gjatë verës së ardhshme për të nisur shkollën profesionale.
Ky është rasti i dytë i konfliktit mes të qarkut të EIfelit dhe Landit.

I pari ndodhi kur Ministria e Integrimit i kishte siguruar një familjeje libaneze prej shtatë anëtarësh qëndrimin në Gjermani, përkundër vendimit refuzues të qarkut dhe Gjykatës Administrative të Trierit.