Deputeti Spaho: Argita në Kuvend iu drejtua elektoratit gri, nuk do e marrë partinë

Deputeti i PD-së Edmond Spaho, foli për fjalimin e Argita Malltezit në Kuvendin Kombëtar të mbledhur nga Sali Berisha. Spaho vlerësoi fjalimin e saj, ai shtoi se ajo foli si elektorat gri. Sipas tij nuk ka synim të marrë partinë.

”Argita bëri shumë mirë që foli në Kuvend. Drejtimi i ardhshëm i partisë nga Malltezi? Skup, s’ka asnjë bazë. Ajo e tha vetë e tha edhe zoti Berisha.

Ajo është anëtare e PD-së, ka të drejtë të ushtrojë funksionet e saj për të kontribuar në këtë forcë, bashkëshorti i saj është edhe më i vjetër, ka shkuar deri në anëtar i Këshillit Kombëtar. Zonja Malltezi iu drejtua një segmenti të caktuar të shoqërisë, iu drejtua elektoratit gri nga e cila vjen edhe ajo vetë”,-tha ai.