E denoncoi të zhdukur, e bija merr lajmin tragjik për të atin

Një 56-vjeçar është gjetur i pajetë nga Policia e Tropojës, tri ditë pasi u denoncua si i zhdukur nga vajza e tij. Trupi i pajetë i shtetasit J.M është gjetur në një zonë të pyllëzuar dhe shumë të thepisur mes fshatrave Klysyrë dhe Shoshan. Sipas policisë, dyshohet se vdekja e këtij shtetasi të ketë ardhur si pasojë e rrëshqitjes nga një shkëmb, duke rënë nga një lartësi rreth 60 metra.

Njoftimi i policisë:

Më datë 29.11.2017, në vijim të kërkimeve për gjetjen e shtetasit J.M, të shpallur në kërkim, bazuar në denoncimin e bërë nga e bija, nga efektivat e Komisariatit të Policisë Tropojë dhe familjarët, gjatë kontrollit të territorit, në një zonë të pyllëzuar dhe shumë të thepisur mes fshatrave Klysyrë dhe Shoshan, u gjet trupi i pa jetë i shtetasit J.M, 56-vjeç, banues në fshatin Shoshan, Tropojë.

Nga veprimet e deri tanishme dyshohet se vdekja e këtij shtetasi ka ardhur si pasojë e rrëshqitjes nga një shkëmb duke rënë nga një lartësi rreth 60 metër.

Ky shtetas ka qenë shpallur në kërkim, pasi më datë 27.11.2017, është paraqitur në Komisariatin e Policisë Tropojë, vajza e tij shtetasja S.M, ku ka denoncuar se më datë 24.11.2017, babai i saj shtetasi J.M, ka shkruar në mal me bagëti dhe nuk është kthyer në banesë. Materialet për veprime të mëtejshme.