I falimentoi kompania në Itali, ja çfarë bën shqiptari për të paguar borxhin 300 mijë euro

Aktualitet E Premte, 21 Maj 2021 20:45

Një ndërtues shqiptar në Itali ka rënë në pranga, pasi është kapur duke transportuar kokainë. Ngjarja në fjalë është regjistruar në autostradën e Arezzo-s.

Mësohet se shqiptari, identiteti i të cilit nuk dihet, pasi kompania e tij e ndërtimit kishte falimentuar, kishte vendosur që për të shlyer borxhet të merrej me transport droge.

Gjatë kontrollit policor atij i janë gjetur 600 gr kokainë në makinë e tij ‘Opel Corsa’, ndërsa kishte si destinacion Amerikën Latine.

Nëse droga do të hidhej në treg, kapte vlerën e 50 mijë eurove. “Ansa” shkruan se shqiptari teksa ishte marrë në pyetje nga policia, kishte pohuar se pasi kompania e tij kishte falimentuar, atij i duhej të paguante një borxh prej 300 mijë eurosh.

Përveç drogës, në cilësinë e provës është bllokuar dhe makina e tij, ndërsa vijojnë hetimet për identifikimin e të tjerë personave të përfshirë në trafikun e kokainës.