Kush e vrau të riun Mario Metaj? Pistë kryesore hakmarrja pas një sherri

Mario Metaj, 27-vjeçari shqiptar që u qëllua për vdekje me armë zjarri, është përcjellë sot për në banesën e fundit, ndërkohë që hetimet për vrasjen e tij ende vijojnë.

Ngjarja dyshohet se lidhet me plagosjen e të vëllait të viktimë me thikë 10 ditë më parë me autorët e vrasjes, pasi hetimi i deritanishëm nuk ka sjellë ndonjë provë për aktivitete të jashtëligjshme siç u dyshua fillimisht.

Policia njofton se e ka identifikuar autorin, por ende nuk e ka bërë publik emrin e tij, përveç faktit që është shqiptar. Gjatë kontrolleve në shtëpinë e tij, Policia gjeti dhe sekuestroi një armë me 5 fishekë, kanabis, një peshore elektronike precize, 6 telefona celularë dhe 205 euro cash.