Mblidhen protestuesit e parë tek mbikalimi pranë Shkollës Teknologjike, agjentë civilë në ruajtje

Gazetarja Dorjana Bezat raportoi për “BalkanWeb” se ata janë vendosur në trotuarin buzë rrugës, nën mbikalim, ndërkohë që pranë tyre ka shkuar edhe deputeti i PD-së, Flamur Noka i caktuar përgjegjës për protestën në këtë zonë.

Mësohet gjithashtu se pranë këtij aksi ka shkuar edhe nëndrejtori për krimet në policinë e Tiranës Skënder Hita së bashku me agjentë të këtij sektori të veshur civil. Për menaxhimin e trafikut ka një prezencë të shtuar të policëve rrugorë. Po kështu në nyjet e kryqëzimit qëndrojnë patrulla Shqiponja.