Ministrja rrëfen historinë e para 4 viteve: Kur më ftoi Rama më tha…

Aktualitet E Premte, 21 Maj 2021 17:01

Nga Gjirokastra, në një takim me të rinjtë që do të votojnë për herë të parë, Ministrja e Kulturës Mirela Kumbaro rrëfeu një moment të sajën me Kryeministrin Rama.

Kumbaro e ka cilësuar si takimi dhe hera e parë, kur katër vite më parë Rama e ftoi të ishte pjesë e qeverisë së tij. Në krah të Kryeministrit, Kumbaro ka theksuar se takimi i parë është shumë i rëndësishëm për të gjithë, nga ku u prezantua me forcën e madhe të një programi të madh.

Mesazhi i saj ndaj të rinjve, është se takimi i parë vendos dhe fatin e rrugës, ku ju këshilloi që të shkojnë me besim.

“Hera e parë është shumë e rëndësishme për të gjithë, dhe për mua, hera e parë kur para 4 vitesh Rama më ftoi për herë të parë”, tha ajo, duke shtuar se i kishte shprehur kryeministrit se si u ndiente dhe se ai i ishte përgjigjur.

“Më tha s’ke parë gjë akoma. Sot ju po më tregoni se ende nuk e kishim parë dhe kuptuar sa e madhe është forca juaj e herës së parë, mbështetur nga kjo forcë e madhe, të gjithë që bashkohen rreth PS-së për një program shumë të madh”-tha ajo.