Pse Europa po përjeton një valë të nxehti në janar?

Të paktën tetë vende evropiane kanë regjistruar ditën e tyre më të ngrohtë të janarit ndonjëherë.

Klimatologu Maximiliano Herrera, i cili studion temperaturat ekstreme, ka mbledhur të dhëna nga e gjithë Evropa.

Gjetjet e tij tregojnë se vendet duke përfshirë Poloninë, Danimarkën, Holandën , Letoninë , Lituaninë , Bjellorusinë dhe Republikën Çeke po përjetojnë temperatura rekord.

Në Korbielów, Poloni , termometrat regjistruan 19 gradë Celsius, një temperaturë që përjetohet më shpesh në maj.

Javornik në Republikën Çeke është zakonisht rreth 3 gradë Celsius në këtë periudhë të vitit, por ka regjistruar një temperaturë prej 19.6C.

Jugu i Francës dhe Spanja veriore patën gjithashtu temperatura rekord që arriti pothuajse 25 gradë Celsius në Bilbao.

Pse Evropa po përjeton temperatura kaq të larta?

Shkencëtarët janë ende duke u përpjekur për të gjetur arsyen e temperaturave josezonale.

“Ka qenë nxehtësi ekstreme në një zonë të madhe, e cila është pothuajse, për të qenë i sinqertë, e padëgjuar,” tha për Guardian Alex Burkill, një meteorolog.

Ai shpjegoi se një masë e ajrit të ngrohtë ishte krijuar në brigjet perëndimore të Afrikës dhe kishte lëvizur nëpër Evropë.

Ajo që shkencëtarët e klimës janë të sigurt, është se këto valë të nxehta anormale do të vazhdojnë të bëhen më të zakonshme dhe më ekstreme falë ngrohjes globale.