Deputetja e PS-së në qarkun e Durrësit, Klodiana Spahiu thotë se nuk e priste që të ishte sërish në listat e kandidatëve për zgjedhjet. U shpreh se kishte menduar se koha e saj politike kishte përfunduar, pas disa viteve në politikë.
Pyetje: A prisnit që të ishit në listën e mbyllur?
Spahiu: Doni një përgjigje të sinqertë apo jo. Unë nuk e prisja fare që të isha në lista. Sepse 16 vite në politikë kisha menduar… Sepse në konceptin tim dhe në punën e madhe që është bërë në këto 2 vitet e fundit nga PS, ne nuk kemi kërkuar kot elementë të rinj dhe ne nuk e kemi zhvilluar në konceptin tim që është bërë akademia politike dhe jo pa qëllim është bërë.
Është bërë që të mbledhim elementë të rinj që mbështesin partinë dhe që i japin një frymë tjetër. U bë deputeti që duam dhe secili prej tyre. Dhe kam menduar se mund të mos kishte më vend për mua. Sepse në fund të fundit njeriu jep kontributin dhe asnjëherë nuk e kam menduar veten të pazëvendësueshme. Është tamam si puna e trenit edhe kjo.
