Spahiu: Rama është i paaftë, pas bixhozit varfëria do t’i çojë njerëzit tek droga

Deputeti i Levizjes Socialiste për Integrim Përparim Spahiu ka reaguar pas inisiativës së kreut të qeverisë për të mbyllur pikat e bastve.

Duke ju referuar një studimi të botuar në  buffalo.edu, ai shprehet se sa më i varfër të jesh aq më i rezikuar je nga problemet me bixhozin.

Ai lëshon akuza të ashpra ndaj Kryeministrit duke  e akuzuara atë se është absolutisht i paaftë për të zgjidhur problemt e vendit

Ja shënimi i tij i plotë në facebook:

Absolutisht i paaftë të zgjidhi problemet, e vetmja rrugë, në 5 vite, ka qenë ajo e masave drastike, moratoriumeve.

Në të njëjtën mënyrë po trajton dhe problemin e basteve dhe bixhozit (nuk po i futem faktit që e bën për vota apo monopolizim).

Studimi bashkangjitur tregon se sa më i varfër të jesh aq më i rezikuar je nga problemet me bixhozin.

A po e trajton në këtë linjë KM-ja çështjen? Jo.
A po bën përpjekjen më të vogë për ndalimin e një eksodi masiv në kokën e çdo shqiptari? Jo.

A po i rritet paga prej 5 vitesh shqiptarëve, për më shumë të ardhura? Jo.
Besoj që ajo që do ndodhi pas kësaj do të jetë rritja më e madhe e përdoruesve të drogës që mbolli nga 2016-ta se sa dalja nga varfëria…