Amerikanët kërkojnë të largohen, ja çfarë i ndodhi kuzhinierit shqiptar

Mesa duket, jo vetëm yjet e show bizzit botëror, por edhe një shqiptar, që me shumë mundësi nuk është i vetmi, kanë ndjerë pasojat e zgjedhjeve në Amerikë.

Shefi i famshëm shqiptar i kuzhinës, Rene Rexhepi, është zgjuar sot me aplikime të shumta nga amerikanët për të punuar në restorantin e tij në Kopenhagen. Kujtojmë këtu faktin se ai drejton një prej restoranteve të konsideruar si më të mirët në botë, “Noma”.

“U zgjova në Kopenhagen dhe ç’të shoh: inbox-i plot me aplikime pune nga amerikanët”, kishte shkruar ai në rrjetin social Facebook sot në mëngjes.

Teksa mediat pasqyronin fitoren gjithmonë e më të qartë të Donald Trump-it, sajti për emigrimin në Kanada, u bllokua për shkak të fluksit të madh të aplikimeve nga ana e amerikanëve.