Britani: Përmbytjet e stuhisë Babet mund të zgjasin me ditë

Burime pranë BBC kanë bërë të ditur se përmbytjet nga stuhia Babet mund të zgjasin me ditë, ka paralajmëruar Agjencia e Mjedisit, pasi Britania e Madhe u godit me shi dhe erë gjatë fundjavës.

Në të gjithë Anglinë 116 paralajmërime për përmbytje mbeten në fuqi – duke përfshirë në East Midlands dhe përgjatë lumit Severn.

Katër persona mësohet se kanë humbur jetën nga përmbytjet, ndërsa banorët e qindra banesave janë evakuuar.

Të hënën, ministri i parë skocez Humza Yousaf vizitoi Brechin, në Angus, një nga zonat më të goditura.

Disa banorë të Brechin mund të largohen përgjithmonë nga shtëpitë e tyre për shkak të përmbytjeve, tha një këshilltar lokal.

Diku tjetër, Këshilli i Qarkut Nottinghamshire deklaroi një incident të madh për nivelet e larta të ujit përgjatë lumit Idle.

Agjencia tha se më shumë përmbytje për shkak të shiut të dendur ishin të mundshme deri të mërkurën për pjesë të Anglisë – duke përfshirë rreth lumit Severn – dhe organi tha se pritej të lëshonte më shumë paralajmërime.

Deri më tani, rreth 1,250 prona në Angli janë përmbytur, tha agjencia.