Emiratet e Bashkuara Arabe kërkojnë mbledhje urgjente të Kombeve të Bashkuara për situatën në Gaza

Emiratet e Bashkuara Arabe i kanë kërkuar Këshillit të Sigurimit të Kombeve të Bashkuara që të mblidhet “sa më shpejt të jetë e mundur”, pas fillimit të operacioneve tokësore të ushtrisë izraelite në Gaza dhe ndërprerjes së telekomunikacionit në enklavën palestineze.

Këshilli mund të mblidhet që nesër. Emiratet e Bashkuara Arabe kërkuan informim nga kreu i agjencive të ndihmës së OKB-së Martin Griffiths dhe kreu i agjencisë palestineze të refugjatëve (UNRËA) Philippe Lazzarini.

Kujtojmë se bombardimet e Izraelit ndaj Gazës janë intensifikuar. Ministria e shëndetësisë e udhëhequr nga Hamasi në Gaza tha më herët se numri i njerëzve të vrarë në territor që nga 7 tetori është rritur në 7,650 si rezultat i sulmeve. Ministria tha se 19,450 njerëz të tjerë janë plagosur.