I nxorri të palarat Amerikës, gjykata britanike merr vendimin për Assange

Themeluesi i WikiLeaks, Julian Assange është dënuar me 50 javë burg nga një gjykatë në Mbretërinë e Bashkuar.

Mbi të rëndon akuza e shkeljes së lirisë me kusht, në kohën kur ai u strehua në ambasadën e Ekuadorit në 2012-ën, për të shmangur ekstradimin në Suedi.

Assange është në kërkim nga autoritetet suedeze nën akuzën e ngacmimeve seksuale dhe përdhunimit.

Ditën e nesërme ai do të dalë në një seancë dëgjimore, ku do të merret vendimi për ekstradimin e tij drejt ShBA-ve, për shkak të ndërhyrjes në serverat e ushtrisë amerikane.

Avokati mbrojtës i Assnage, Mark Summers u shpreh se klienti i tij ka jetuar nën një frikë të paimagjinueshme, për shkak të një ekstradimi të mundsëm në Suedi ose në Amerikë, pas publikimit të të dhënave sekrete të ShBA-së.

Në sallën e gjyqit ishin të pranishëm shumë mbështetës të Assange, të cilët shpërthyen në kor duke thërritur “turp të keni”, pasi gjykata dha vendimin.