Incidenti në Salah-al-Din, Izraeli zyrtarisht përpjekje për ndarjen e Rripit të Gazës

Pamjet e BBC tregojnë për pamjen  e një tanku izraelit në autostradën kryesore veri-jug në Rripin e Gazës një shenjë kjo që me siguri tregon  se laku i Izraelit rreth qytetit të Gazës ka filluar të shtrëngohet.

Tanku që qëlloi mbi një makinë që lëvizte drejt qytetit të Gazës shënon paraqitjen e parë të forcave izraelite në rrugën në veri të Wadi Gazës.

Tanku duket se ka lëvizur përpara, por Wadi Gaza është linja të cilës IDF i është referuar vazhdimisht kur u thotë njerëzve që jetojnë në të tretën veriore të Rripit të Gazës – duke përfshirë qytetin e Gazës dhe zonat përreth – të lëvizin në jug.

Është e qartë se ndërsa forcat izraelite gradualisht përshkallëzojnë operacionet e tyre, qyteti i Gazës do të jetë fokusi kryesor i përpjekjeve të tyre.

Por me dhjetëra – ndoshta qindra – mijëra njerëz që kanë mbetur në veri nga frika ose vendosmëria – duket se IDF mund të përpiqet ta ndërpresë atë plotësisht.

Ka vetëm dy rrugë veri-jug. Salah-al-Din, ku ndodhi incidenti i mëngjesit të sotëm, është rruga kryesore. Një rrugë më e vogël, përgjatë bregut, mund të shënjestrohet lehtësisht nga luftanijet izraelite jashtë bregdetit.

Zona në veri të Wadi Gazës është më pak e populluar se qyteti i Gazës në veri dhe Bureij dhe Nuseirat në jug.

Ky do të ishte një vend logjik që Izraeli të përpiqet të ndajë Rripin e Gazës në dy pjesë.