ISIS përdori ambulanca me eksploziv për sulmet në Irak

Shteti Islamik ka marrë përsipër dy sulmet kamikaze në qytetet e Irakut, Tikrit dhe Samara, ku humbën jetën 21 persona.

Militantët e ISIS deklaruan se kanë përdorur autoambulanca të mbushura me eksploziv për të kryer sulmet.

Sulmi i së dielës në qytetin e shenjtë Samara ka goditur pelegrinët shiitë, përfshirë edhe iranianë.

Në veri, forcat qeveritare të Irakut vazhdojnë ofensivën për të rikthyer kontrollin e Mosulit nga Shteti Islamik, por ato janë duke u përballur me rezistencë të ashpër.