Kanadaja ”në mëshirë” të zjarreve

Afrimi i zjarreve masive, të cilat kanë arritur 17 km larg qytetit Jellou Najaf, ka detyruar qeverinë kanadeze të urdhërojë evakuimin e banorëve. Sipas njoftimeve të autoriteteve lokale, janë rreth 20 mijë personat të cilëve u është bërë apel të lënë banesat e tyre sa më shpejt të jetë e mundur.

Forcat e armatosura kanadeze po ndihmojnë zjarrfikësit në largimin e banorëve përmes avionëve të llojit “Hercules”. Mbi 200 zjarre kanë shkrumbuar një sipërfaqe të madhe toke në rajonin e njohur si Territoret Veri-perëndimore.

15 për qind e popullsisë së territoreve Veri-perëndimore është evakuuar. Zyrtarët thonë se shumica e akseve rrugore janë të sigurta, por theksojnë edhe se nëse tymi i zi kufizon shikueshmërinë, njerëzit që largohen nga Jellou Najf nga autostrada do të shoqërohen përmes zonës aktive të zjarrit.