Kiev: 20 ukrainas arrestohen çdo ditë, tentojnë të largohen nga vendi

Rreth 20 ukrainas arrestohen çdo ditë, të cilët përpiqen të udhëtojnë jashtë vendit ilegalisht. Këtë e ka bërë të ditur Andriij Demchenko , zëdhënës i rojeve kufitare ukrainase, shkruan Kiev Independent, duke specifikuar se sipas ligjit ushtarak, burrave nga mosha 18 deri në 60 vjeç u ndalohet të udhëtojnë jashtë vendit pa leje të posaçme.

Disa prej tyre përdorin certifikata false vdekjeje të grave të tyre pasi ligji i lejon prindërit e vetëm të kalojnë kufirin. Në raste të tjera, burrat ukrainas falsifikojnë edhe certifikatat e lindjes së fëmijëve, tha i njëjti burim. Sipas ligjit, burrat që kanë 3 ose më shumë fëmijë deri në moshën 18 vjeç mund të kalojnë kufirin.