Ky është babai i “krisur” që guxoi të çonte të birin buzë një shkëmbi 121 metra të lartë

Një baba ka pasur guximin që të afronte djalin e tij të vogël buzë një shkëmbi 121 metra të lartë në Sussex-in Lindor.

Ky është një vend i njohur bregdetar në Angli ku turistët venë jetën e tyre në rrezik çdo ditë.

Vizitorët në bregdet filmohen shpesh duke u varur nga shkëmbinjtë e lartë dhe të rrezikshëm të Seven Sisters, pranë Eastbourne.

Gjithsesi, ai që ka tërhequr më shumë vëmendjen ishte babai që guxoi që të afronte fëmijën në skajin e shkëmbit.

Në dy fotot e publikuara ai shihet duke u afruar drejt skajit në mënyrë të rrezikshme bashkë me djalin vogël në krah.

Një gabim i vogël dhe guximi i tepërt i babait mund t’ju kishte kushtuar jetën të dyve.

Në qershor të vitit 2017 një student nga Koreja e Jugut Hyewon Kim u rrëzua për vdekje ndërsa po përpiqej që të shkrepte disa foto me pamje spektakolare.