Mori veç një votë, kandidatin për kryeministër që nuk e votoi as gruaja. Pjesë e garave që prej vitit 1993

Greqia u ngjyros blu nga zgjedhjet e së dielës, por ka edhe një lajm që po bëhet viral në mediat sociale. Një nga 36 partitë dhe koalicionet që morën pjesë në zgjedhje ditën e diel në Greqi mori vetëm një votë dhe kjo gjë tërhoqi vëmendjen e mediave dhe vetë kandidatit për kryeministër.

Partia Ekologjiste e Greqisë e politikanit veteran Dimosthenis Vergis mori vetëm një votë dhe kjo vetëm në zonën Athina 1. Kreu i ambientalistëve grekë, tha se nuk është zhgënjyer nga ky rezultat.

Me të qeshur, ai tregon se është në kërkim të votuesit që i dha votën e vetme në qarkun e Athinës, pasi ai dhe bashkëshortja nuk morën pjesë në procesin zgjedhor pasi ndodheshin në Mykonos për pushime.

Ky rezultat është më i keqi për Vergis në 15 palë zgjedhje ku ai ka marrë pjesë që prej vitit 1993. Arritja më e madhe e tij ishte në vitin 2004 për zgjedhjet europiane kur mori më shumë se 33 mijë vota.