NASA: Asteroidi gjigant do kalojë shumë pranë Tokës, do shihet edhe me sy të lirë

Shkencëtarët tek NASA kanë filluar parapërgatitjen për “vizitën” e një asteroidi një dekadë përpara.

Asteroidi, Apophis, i cili ka marrë emrin e perëndeshës egjiptiane të gjarpërinjve, do të kalojë pranë Tokës më 13 prill të vitit 2029.

Sipas NASA-s, Apophis do të jetë 31,000 kilometra larg nga sipërfaqja e planetit tonë. Dhe, agjencia hapësinore sqaron se në këtë lloj distance orbitojnë satelitët aktualisht rreth Tokës.

Studiuesit po përgatiten 10 vite përpara, por e përjashtojnë mundësinë që objekti hapësinor prej 1,315 metrash të përplaset në Tokë.

Afrimi i Apophis në një distancë të tillë me Tokën do të jetë një mundësi unike për shkencëtarët për të studiuar një asteroid në detaje.