NATO: Britania nuk ikën të paktën prej nesh

Qëndrimi i Britanisë së Madhe në NATO do të mbetet i pandryshuar pas vendimit të vendit për t’u larguar nga BE-ja, deklaroi sot sekretari i përgjithshëm i aleancës ushtarake, Jens Stoltenberg.

“Ndërsa kjo përcakton kapitullin e ardhshëm në marëdhënien e saj me BE-në, kam bindjen se qëndrimi i  Mbretërisë së Bashkuar në NATO do mbetet i pandryshuar”, deklaroi ai.

“Britania e Madhe do te mbetet nje aleat i fortë dhe i përkushtuar i NATO-s”, shtoi Stoltenberg.

”Ndërkohë, NATO-ja mbetet e angazhuar për një bashkëpunim të ngushtë me BE-në. Një NATO e bashkuar, e fortë dhe e vendosur mbetet nje shtyllë e rëndësishme e stabilitetit në një botë të trazuar”, tha ai.