Ndodhen në mesin e dimrit, temperaturat në Argjentinë e Kili arrijnë mbi 37 gradë!

Kili dhe Argjentina shënuan rekorde të nxehtësisë së mesit të dimrit në fillim të gushtit për shkak të një kombinimi të El Niño dhe ndryshimeve klimatike, ndërsa vendet e tjera të Amerikës Latine gjithashtu regjistruan temperatura më të ngrohta se normale.

Në qytetin kilian të Vicuña, i vendosur në një rajon malor të provincës qendrore të Coquimbo, termometri të martën tregoi 37 gradë Celsius. Kjo është temperatura më e lartë e regjistruar në rajon gjatë kësaj periudhe që nga viti 1951.

“Ne nuk kemi regjistruar një temperaturë si kjo për më shumë se 70 vjet,” tha Cristóbal Torres i shërbimit meteorologjik të Kilit.

Në Santiago, 450 kilometra më në jug, temperatura arriti në 24 gradë Celsius dje, të mërkurën dhe sot dhe nesër, të premte, pritet të rritet deri në 25 gradë: temperatura shumë të pazakonta për sezonin.

Në Buenos Aires, në Argjentinën fqinje, temperatura arriti në 30 gradë Celsius të martën, duke shënuar 1 gushtin më të nxehtë në histori, sipas shërbimit kombëtar të motit.

Rekordi i mëparshëm i nxehtësisë për këtë ditë daton në vitin 1942 me 24.6 gradë Celsius. Normalisht gjatë gushtit temperatura në Buenos Aires varion ndërmjet 9 dhe 18 gradë Celsius.

Në Uruguaj, temperatura në shumë qytete ka kaluar dje 30 gradë.

“Ajo që ne po përjetojmë është kombinimi i dy fenomeneve: tendenca e ngrohjes globale për shkak të ndryshimeve klimatike dhe fenomeni El Niño”, shpjegoi Ministrja e Mjedisit e Kilit, Maisa Rojas. Hellas.posten.com