Në krye të Këshillit të Myslimanëve, për herë të parë një grua

Zara Mohammed do të jetë udhëheqësja e parë grua e Këshillit të Myslimanëve të Britanisë së Madhe. Sipas ”The Guardian”, ajo do të marrë pozicionin e Sekretarit të Përgjithshëm të grupit më të madh të xhamive, shkollave islamike dhe shoqatave myslimane.

Pas zgjedhjeve, ajo shkurtimisht komentoi se ishte e nderuar të merrte një përgjegjësi të re. “Unë jam mirënjohëse për shansin dhe besimin e delegatëve”, tha ajo.

29-vjeçarja është nga Glasgow dhe kundër kishte kandidaten Aymala Masrura. Zgjedhja e saj u mirëprit nga Kryetari i Bashkisë së Londrës, Sadiq Khan.