Pas vra*jes së kandidatit për president, tentohet ekzekutimi i një tjetër zyrtareje. Kaos në qytet

Në Ekuador nuk ka qetësi, pasi një tjetër kandidate për Parlamentin, Estefany Puente, ka rënë pre e një sulmi të armatosur, dhe ka marrë lëndime të lehta në krah.

Teksa ishte në makinën e saj së bashku me babain dhe bashkëshortin e saj, 2 persona qëlluan me breshëri plumbash drejt makinës, në xhamin e përparmë nga ana e shoferit dhe më pas u larguan me shpejtësi.

Ditën e djeshme, kandidati për zgjedhjet e ardhshme presidenciale në Ekuador, Fernando Villavicencio, është ekzekutuar gjatë një tubimi të fushatës.

Ish-anëtari i asamblesë kombëtare të vendit u qëllua me 3 plumba teksa po largohej nga ngjarja në veri të vendit në Kuito të mërkurën.