Pengmarrje në qytetin e Dresdenit në Gjermani, arrestohet autori

Gjermania u trondit ditën e sotme nga një ngjarje e rëndë, teksa në qytetin e Dresden është regjistruar një pengmarrje brenda një qendre tregtare.

Menjëherë pas marrjes së njoftimit, forca të shumtë speciale gjermane u nisën në vendin e ngjarjes, ndërsa vetëm pak minuta më vonë autoritetet njoftuan se situata ishte vënë nën kontroll dhe se pengmarrja kishte marrë fund, ndërsa personat e marrë peng ishin në gjendje të mirë shëndetësore.

Sipas kreut të policisë së zonës, është bërë i mundur vënia në pranga e autorit përgjegjës, një 40-vjeçar. Transporti publik dhe trafiku u kufizuan gjithashtu për shkak të operacionit të policisë dhe tregu i famshëm i Krishtlindjeve “Striezelmarkt” u mbyll.