Samiti i tretë, udhëheqësit e dy Koreve do të takohen në Phenian në shtator

Dy Koretë do të takohen në shtator në Phenian për një samit të ri, njoftoi sot agjencia koreano-jugore ”Yonhap”, ndërsa dy palët janë angazhuar në bisedime të nivelit të lartë në Zonën e Çmilitarizuar (DMZ).

Agjencia nuk dha asnjë burim për këtë informacion. Vizita në Phenian e presidentit koreano-jugor, Moon Jae-in do të jetë e para në Veri prej më shumë se një dekade e një kreu të Shtetit koreano-jugor.