Scholz reagon për situatën në Francë: Situata është shqetësuese, por Macron mund t’ia dalë

Kancelari gjerman Olaf Scholz ka deklaruar se po i ndjek trazirat në Francë “me shqetësim”, në një intervistë për televizionin gjerman ARD.

Presidenti francez Emmanuel Macron duhej të ishte sot në Gjermani për një vizitë shtetërore, por u detyrua ta shtynte atë për shkak të trazirave në të gjithë vendin.

Scholz beson se Macron do të jetë në gjendje të menaxhojë situatën.

“Unë nuk pres që situata në Francë të bëhet e paqëndrueshme, edhe nëse pamjet dhe ajo që po ndodh janë sigurisht shumë shqetësuese”, theksoi Scholz.