SHBA/Nëna bën një akt fisnik, votoi pak para se të sillte në jetë vajzën e saj

Para se të sillte në jetë foshnjen e saj, një nënë nga Kolorado ka bërë një akt fisnik. Bella Rose është foshnja e sapolindur e cila s’mund të priste më në barkun e nënës së saj duke ardhur në jetë pak para votimeve për presidentin e SHBA-ve.

Nëna e foshnjës, Sosha Adelstein, parashikonte ta lindte foshnjën më 8 nëntor, por procesi i lindjes u krye katër ditë më parë. Ndërkohë që ishte rrugës për në maternitet, ndaloi në një qendër votimesh për të shprehur vullnetin e saj.

“Ia mbathëm për atje dhe ishim në kohë, menjëherë pasi hodha votën po mendoja: ‘Ok, tani është koha të shkojmë në spital”, shtoi ajo.

Partneri i Adelstein, shoqëroi nënën e re krenare për në maternitet dhe hodhi së bashku me të voton pro Hillari Klinton.

Akti i çiftit në fjalë është një mesazh për cilindo votues që të vendosë mbi fatin e vendit të tij duke mos e neglizhuar mundësinë që i vjen 1 herë në katër vjet.