Tragjedia me 6 të vdekur në Itali, dalin pamjet

Pesë të mitur dhe një nënë që shoqëronte vajzën e saj humbën jetën gjatë një rrëmuje në një diskotekë në Ancona.

35 të tjerë kanë mbetur të plagosur, 12 në gjendje serioze për jetën.

Shkak për humbjen e jetës është bërë një spraj me erë të keqe i hedhur në turmë. Të plagosurit u transportuan në spitalet zonës për të marrë ndihmën e parë mjekësore.

“Ishim duke kërcyer kur dëgjuam një erë djegëse. Donim që të dilnim por daljet e emergjencës ishin të bllokuara,”-rrëfen një 16-vjeçar i plagosur.

Sipas dëshmitarëve, ka qenë mosfunksionimi i daljes së emergjencës ajo që ka shkaktuar tragjedinë.