Trump emëron shef kabineti, ultra konservatorin Mick Mulvaney

Ultra konservatori Mick Mulvaney u emërua të premten shef i kabinetit të presidentit amerikan Donald Trump, duke u bërë drejtuesi i përkohshëm i një posti të vështirë brenda një administrate ku marrëdhëniet midis kolegëve mund të jenë shumë të tendosura.

”Jam i lumtur t’ju njoftoj se Mick Mulvaney, drejtori i buxhetit në Shtëpinë e Bardhë do të emërohet drejtuesi i përkohshëm i kabinetit të Shtëpisë së Bardhë, për të zëvendësuar gjeneralin John Kelly i cili i shërbeu vendit tonë me devotshmëri”, shprehet Trump në Twitter.

”Mezi pres të punoj me të ndërsa ai përgatitet të marrë postin e ri, ku do të vijojmë së bashku t’i kthejmë Amerikës lavdinë e dikurshme’’, shtoi presidenti, duke rikujtuar se titullari i postit, John Kelly do të linte detyrën në fund të vitit.