Trump: Nëse hyj në Shtëpinë e Bardhë, i jap fund për 24 orë luftës në Ukrainë

Ish-presidenti i Shteteve të Bashkuara, Donald Trump ka thënë se do të shmangë Luftën e Tretë Botërore nëse zgjidhet në vitin 2024, duke përsëritur se mund t’i japë fund konfliktit në Ukrainë brenda 24 orësh.

“Sapo të zgjidhem, para se të hyj në Shtëpinë e Bardhë, do t’i jap fund luftës në Ukrainë, nëse ajo vazhdon ende. Unë jam i vetmi që mund të parandaloj Luftën e Tretë Botërore“, tha ish presidenti amerikan.

Trump paralajmëroi se liderët e tjerë botërorë janë “të këqij” dhe “dinakë” dhe se ata “mendojnë se SHBA-të drejtohen nga budallenj”.