Vr*sja e 36-vjeçarit në portin e Pireut, Mitsotakis: Neveri dhe tmerr! Drejtësia do veprojë, shoqëria të reflektojë

Kryeministri grek Kyriakos Mitsotakis, ka shprehur neveri për ngjarjen tragjike në portin e Pireut ku Andonis Kariotis, 36-vjeç u shty nga ekuipazhi dhe mbyt në det pasi nuk u lejua të hipte në tragetin “Blue Horizon”.

Duke e vlerësuar ngjarje të turpshme që nuk përfaqëson Greqinë, kreu i qeverisë greke shkruan se drejtësia do të bëjë punën e saj, por humbja e jetës së një bashkëqytetari është sinjal rreziku sipas tij i përbuzjes dhe indiferencës e cila kthehet në dhunë.

I ndjeri ishte një njeri tepër i varfër, që bënte punë të vogla për mbijetesë, dhe kohët e fundit kishte humbur edhe nënën, mbështetjen e tij. Viktima ishte i njohur tek të gjithë banorët e Agios Nikolaos Lasithi në Kretë si një njeri tepër i dashur dhe punëtor, por edhe nga personeli i anijeve të linjës Kretë-Athinë.

Kjo ka vënë shumë pikëpyetje për sjelljen e egër kriminale nga oficerët e anijes ndaj 36-vjeçarit, si edhe njoftimin për pasagjerët, se “anija u vonua të niset nga porti i Pireut për shkak të një pengese të shkaktuar nga faktorë të jashtëm, pa lidhje me funksionim tonë”.