Zelensky: Që nesër jam gati për një ndeshje boksi me Putinin

Presidenti i Ukrainës, Volodymyr Zelensky, është shprehur i gatshëm të marrë pjesë në një ndeshje boksi me Putinin.

“Gjithmonë gati. Nesër, nuk do të më interesonte. Atëherë do të ishte samiti i fundit për presidentin e Federatës Ruse”, tha Zelensky duke qeshur për kanalin televiziv francez TF1.

Pyetja erdhi pasi gazeta Le Monde raportoi se presidenti francez Emmanuel Macron i kishte thënë Putinit se do të stërvitej në boks, shkruajnë mediat e huaja.

“Një burrë i vërtetë, nëse dëshiron t’i thotë diçka dikujt, godet me grusht në fytyrë. Ai e bën vetë dhe nuk dërgon asnjë ndërmjetës”, kishte thënë më herët Putin.

Lufta në Ukrainë vijon që prej 24 shkurtit të këtij viti dhe Rusia është përqendruar në goditjen e infrastrukturës energjetike të vendit, duke lënë mijëra ukrainas në terr.