Këshilli i Lartë i Prokurorisë, ka emëruar sot në krye të akuzës së Vlorës, prokurorin Aurel Zarka.
Zarka prej disa vitesh ushtron funksionin e tij të prokurorit në këtë prokurori.
Gazetari i Ora News, raporton se Zarka ka fituar me shumicë të votave përballë, kolegut të tij, Albert Kuliçaj, i cili mban njëkohësisht dhe postin e zv/drejtuesit të kësaj prokurorie.
Emërimi i Aurel Zarkës në krye të prokurorisë Vlorë, vjen pas komandimit të Erion Çelës, drejtuesit të mëparshëm, si prokuror pranë Prokurorisë së Apelit Vlorë.
Këto ndryshime erdhën si pasojë e shkarkimeve të disa prokurorëve nga “Vettingu”, duke bërë që prokuroria e Apelit Vlorë, të mbetet vetëm me një prokuror.
Aurel Zarka, vjen në staturën e prokurorit nga rradhët e Oficerëve të Policisë Gjyqësore. Ai ka shërbyer si OPGJ, pranë prokurorisë së Tiranës dhe Prokurorisë së Krimeve të Rënda, dhe pas një karriere në këtë sektor, Zarka u emërua prokuror në Vlorë. Ku tashmë pas disa viteve punë, ju është besuar dhe drejtimi i kësaj prokurorie.