Ministrja e Shëndetësisë dhe Mbrojtjes Sociale, Albana Koçiu shprehu ngushëllimet për ndarjen nga jeta të Prof. Dr. Agim Karaj. “Ndarja nga jeta e Prof.Dr.Agim Karaj është një humbje e madhe për mjekësinë shqiptare dhe për të gjithë ata që patën fatin ta njohin nga afër”, tha Koçiu në një postim në rrjetet sociale.
Ministrja Koçiu u shpreh se “model i përkushtimit profesional, Profesor Karaj ka lënë gjurmë të pashlyeshme në edukimin e brezave të rinj të mjekëve dhe në shërbimin ndaj pacientëve. Humanizmi dhe vizioni i tij do të mbeten përherë një frymëzim”.
Prof.Dr. Agim Karaj ndërroi jetë ditën e sotme. Pas përfundimit të studimeve në Fakultetin e Mjekësisë në vitin 1975, Dr. Karaj filloi karrierën si kirurg në Qendrën Spitalore Universitare “Nënë Tereza”, ku më pas u specializua si kirurg onkolog. Në vitin 1987, ai u specializua në Institutin “Gustave Roussy” në Paris, një nga institucionet më të mira në botë për onkologji dhe onkoplastikë. Ai mori pjesë në trajnime dhe konferenca ndërkombëtare.
Postimi i plotë
Ndarja nga jeta e Prof. Dr. Agim Karaj është një humbje e madhe për mjekësinë shqiptare dhe për të gjithë ata që patën fatin ta njohin nga afër.
Model i përkushtimit profesional, Profesor Karaj ka lënë gjurmë të pashlyeshme në edukimin e brezave të rinj të mjekëve dhe në shërbimin ndaj pacientëve. Humanizmi dhe vizioni i tij do të mbeten përherë një frymëzim.
Ngushëllimet më të sinqerta familjes, miqve dhe kolegëve. I paharruar kujtimi i tij!