Dy binjake nga Brazili, Maria Pignaton Pontin dhe Paulina Pignaton Pandolfi, nesër do të festojnë ditëlindjen e tyre të 100-të. Camila Lima, është fotografja nga Brazili e cila ka dëgjuar për binjaket dhe ka vendosur t’ju bëjë surprizë për ditëlindje një set fotografik. Kohën prej 2 orësh që ka kaluar duke ju bërë fotografi, ajo ka thënë se është ndjerë sikur po kalonte kohë me dy adoleshente. Lima, 28 vjeç ka thënë se përveç fotografive, ajo është marrë edhe me rregullimin e flokëve të tyre, grimin dhe rregullimin e ambientit përreth, thuajse i tëri me lule. Pandofili është nënë e gjashtë fëmijëve, 19 nipave e mbesave, e 16 stër-nipave e mbesave. Ndërkaq Pontin është nënë e pesë fëmijëve, 12 nipave e mbesave dhe 7 stër-nipave e mbesave.
