Një burrë nga Nepali, i quajtur Kami Rita, është ngjitur në malin Everest, për herë të 25-ë, duke shënuar kështu një rekord.
“Kami Rita vendosi një rekord të ri me ngjitjen për herë të 25 në malin më të madh në botë”, shkrua France Press.
Kami Rita u ngjit për herë të parë në Everest në vitin 1994 si pjesë e një ekspedite dhe që nga ajo kohë, ai është ngjitur thuajse çdo vit në malin 8.850 të lartë.
Ai kishte vendosur që ngjitjen për herë të 25-ë ta realizonte në vitin 2020, duke qenë se përkonte me ditëlindjen e tij të 50-ë, por, e anuloi këtë plan për shkak të pandemisë së koronavirusit.
“Qëllimi im ishte të festoja ditëlindjen time të pesëdhjetë duke u ngjitur për herë të 25-të në të 50-at, por për shkak të COVID-19 nuk ishte e mundur. Kështu që unë e bëra ëndrrën time të vërtetë këtë vit”, tha ai.
Ai gjithashtu u ngjit në disa maja të tjera më shumë se 8,000 metra, duke përfshirë edhe majën e dytë më të lartë në botë, K2 në Pakistan.