Kur bëhet fjalë për pasuritë e patundshme, 1 milion dollarë nuk janë shumë, veçanërisht në qytetet më të shtrenjta të botës.
Në Monako, qyteti më i shtrenjtë në botë, me 1 milion dollarë ju merrni 162 metra katrorë pasuri të paluajtshme, sipas një raporti nga firmat e pasurive të patundshme Douglas Elliman dhe Knight Frank.
Hong Kong u rendit si qyteti i dytë më i shtrenjtë, ku me 1 milion dollar mund të blini 226 metra katrorë. Londra renditet e treta me 323 metra katrorë, ndërsa në New York City, 1 milion dollarë blen 344 metra katrorë.
Raporti përcakton pronën si “më e dëshiruara” në një qytet, ose në 5% e vlerës më të lartë të tregut. Kështu që ju mund të gjeni pronë më të lirë në secilin qytet. Por masa e pasurisë së zgjedhur është e dobishme për pronat për blerësit luksoz.
Qyteti më pak i shtrenjtë në botë për blerësit luksoz është Sao Paulo, Brazili, ku me 1 milion dollarë ju merrni 2,174 metra katrorë. Tjetra më e lirë është Cape Town në Afrikën e Jugut, ku ju merrni mbi 1.800 metra katrorë për milionin tuaj.
Kur bëhet fjalë për qytetin e preferuar të më të pasurve në botë, New York kryeson listën, sipas raportit. Indeksi i Pasurisë së Qytetit, Knight-Frank ka nxjerrë disa statistika të cilat masin popullsinë e njerëzve të pasur, klimën e investimeve dhe stilin e jetës për të përcaktuar qytetin më të shtrenjtë në mesin e të pasurve në botë. New York mundi Londrën, duke fituar pikët më të larta për nivelet e pasurisë dhe investimeve.
Londra u rendit e dyta në qytetet më të mira për të pasurit, e ndjekur nga Parisi dhe Hong Kong. Tetë nga 20 qytetet më të mira për të pasurit ishin në Amerikën e Veriut, me Los Angeles të renditur në vendin e pestë dhe Chicago renditet i gjashti.
Raporti gjithashtu studioi qytete në mbarë botën me performancën më të mirë të investimeve në pasuri të paluajtshme në vitin 2019. Frankfurti kryesoi në listë, me rritje prej 10.3%, pasuar nga Lisbona me 9.6% dhe Athina me 7%. Qyteti me performancën më të dobët ishte Roma, me 2% rritje, me liqenin Como që gjithashtu kishte 2% rritje. (CNBC)
SCAN