Drejtuesja politike e diasporës në Partinë Demokratike, Jozefina Topalli zhvilloi sot një konferencë me gazetarët.
Topalli u shpreh gjithashtu se mazhoranca po bën gjithçka në dorë me presione, para jo të ligjshme dhe presion ndaj administratës për të manipuluar votën, por sipas saj diaspora e ka të qartë që në datën 11 maj do të votojë numrin 1.
“Thirrje çdo shqiptari që të mos pranojë të bëjë me video apo fotografojë votën që i kërkohet përmes presonit që u bëhet familjarëve të tyre në administratë. Edhe në raportin e OSBE përmendej përdorimi i administratës, i parave edhe nga pushteti lokal edhe për të çuar autobusë. Pra nuk ka dyshim që po përdor mjete të dënueshme. Por pavarësisht kësaj, mesa duket diaspora dhe shqiptarët e kanë në ndërgjegje të qartë se çfarë do të bëjnë dhe që do të votojnë numrin 1”, tha Topalli.
